Ուսումնա-սպորտային համալիր դպրոցը նախաձեռնել է նոր տեսակի կրթական-ժամանցային ակտիվություն hայաստանաբնակ և արտասահմանցի դպրոցահասակ երեխաների համար, որի անվանումն է «Կրթական հավաք-Գազպրոմ Արմենիա» («Образовательный лагерь-Газпром Армения», «EduCamp-Gazprom Armenia»)։  

«Կրթական հավաք-Գազպրոմ Արմենիա»-ի կրթական ծրագիրն ունի 4 ուղղություն՝ հայագիտական, ռուսական, անգլիական և մաթեմատիկական, որոնցից յուրաքանչյուրը կարող է կազմակերպվել 3 մակարդակներով՝ սկսնակ, միջին ու լավ իմացությամբ։ Մեկ ուղղության մեկ մակարդակի կրթական ծրագրի տևողությունը 3 շաբաթ է, որի ավարտին՝ թեստավորումից հետո, սովորողին տրվում է վկայական։ 

3 շաբաթվա կամ մեկ մակարդակի ժամանակացույցն իր մեջ ներառում է.

• համապատասխան առարկայական պարապմունքներ,
• հետազոտական նախագծի (պրոյեկտի) իրականացում և վարում խմբավարի ուղղորդմամբ,
• թվով առնվազն երեք էքսկուրսիաների կազմակերպում,
• ֆիզիկական ակտիվություն (շարժողական ակտիվ խաղեր և լող ),
• ստեղծագործական ակտիվություն (խեցեգործություն, երգ/երաժշտություն, կերպարվեստ, հմուտ ձեռքեր, արվեստ),
• օրական 3-անգամյա սնունդ։

Երեխաների օրը սկսվում է ժամը 9։00-ին և ավարտվում է 17։30-ին։ «Կրթական հավաք-Գազպրոմ Արմենիա»-ի մեկ մակարդակի 3 շաբաթվա արժեքն է 160․000 ՀՀ դրամ։

Գրանցվելու և այլ մանրամասներին ծանոթանալու համար խնդրում ենք զանգահարել հետևյալ հեռախոսահամարով՝ 012-620-626: