«Գազպրոմ Արմենիա» ՓԲԸ «Ուսումնա-սպորտային համալիրի» 10-րդ դասարանի սաներ Հայկ Հաջիյանը և Մարկ Թորոսյանը հաջողությամբ մասնակցել են «Full Learning» ընկերության կողմից կազմակերպված ամենամյա «Code Battle» մրցույթին, որն այս տարի համախմբել է ավելի քան 550 մասնակից՝ Հայաստանից և արտերկրից։

ԳԱՈՒՍ–ի աշակերտներն ընդգրկվել են լավագույն 30-ի շարքում՝ ցուցաբերելով ծրագրավորման բարձր հմտություններ։

Մեր աշակերտներն արժանացել են սերտիֆիկատների՝ լավագույն կոդ գրողների շարքում լինելու համար, ինչպես նաև նվեր քարտեր «Full Learning» ընկերության կողմից՝ մասնակցության համար։

Շնորհավորում ենք մեր աշակերտներին՝ Հայկին և Մարկին, այս հաջողության համար և մաղթում նորանոր հաղթանակներ։