«Գազպրոմ Արմենիա» ՓԲԸ «Ուսումնա-սպորտային համալիր» հիմնարկի ավագ դպրոցում կրթությունը կազմակերպվում է պարտադիր միջնակարգ կրթության և բուհի ընդունելության ծրագրերի հիման վրա:  

Հիմնվելով աշակերտների նախընտրությունների վրա` ավագ դպրոցում ուսուցումը կազմակերպվում է հետևյալ չորս հոսքային ուղղություններով․

• ֆիզիկամաթեմատիկական,  
• հումանիտար,  
• Բնագիտական 
• տնտեսագիտական:  

Յուրաքանչյուր հոսքային ուղղության համար մշակված է առանձին ուսումնական ծրագիր՝  համատասխան առարկաների խորացված դասընթացներով, որոնք անց են կացվում ժամանակակից նյութատեխնիկական հագեցվածությամբ դասասենյակներում։

Հիմնական ուսումնական ծրագրին զուգահեռ դպրոցն առաջարկում է նաև հետևյալ 3 ուղղվածություններով պարտադիր և լրացուցիչ ընտրովի առարկաներ․ 

Մտավոր ուղղվածություն․ 

10-րդ դասարանից սկսած մեր աշակերտներն ուսումնասիրում են. 

• Գործնական հաղորդակցություն և խոսքային էթիկետ 
• Կիրառական վիճակագրություն և աշխատանք տվյալների հետ 
• Կիրառական տնտեսագիտություն 
• Էկոլոգիայի հիմունքներ 
• Պատմության հիմնահարցեր․ Հայաստանի անվտանգության մարտահրավերը. 

Հնարավորություն է տրվում ուսումնասիրել հետևյալ ընտրովի դասընթացներից մեկը․ 

• Ֆրանսերեն 
• Գերմաներեն 
• Չինարեն 
• Իսպաներեն 
• Ռոբոտաշինություն 
• Ծրագրավորում 
• Արհեստական բանականություն  
• Գործարարության հիմունքներ 

Ինչես նաև, 11-րդ դասարանից սկսած մեր աշակերտներին հնարավորություն է ընձեռնվում ներգրավվել TOEFL և SAT  միջազգային  քննություններին նախապատրաստող համապատասխան լրացուցիչ ընտրովի խմբակներին։ 

Ստեղծագործական ուղղվածությունից ավագ դպրոցում առաջարկվում են հետևյալ ընտրովի դասընթացները․ 

• Խեցեգործություն 
• Նկարչություն 
• Դերասանական արվեստ 
• Հագուստի մոդելավորում 
• Խոհարարություն 
• Մեդիագրագիտություն 

Ֆիզիկական ուղղվածությունից առաջարկվում են հետևյալ ընտրովի դասընթացներից մեկը․ 

• Լող 
• Գեղասահք 
• Ֆուտբոլ 
• Բասկետբոլ 

 Ավագ դպրոցում կիրառվում է նախագծային ուսուցման սկզբունքը, որը հնարավորություն է տալիս հետաքրքիր գաղափարների շուրջ ստեղծել թեմատիկ նախագծեր՝ կապ ստեղծելով տարբեր առարկաների միջև։ Ներգրավված լինելով նախագծերին՝ աշակերտները զարգացնում են իրենց գիտելիքներն և հմտությունները, սովորում են լուծել ընթացքում ծագող հարցերն ու խնդիրները, սովորում են ճիշտ կառավարել իրենց ժամանակը և  զարգացնել թիմում աշխատելու կարողությունը։ 

Բացի վերը թվարկված դասընթացներից, մեր աշակերտները, ուսումնական ծրագրի համաձայն, պարբերաբար այցելում են տարատեսակ թանգարաններ, թատրոններ, թեմատիկ ժամանցային վայրեր, կազմակերպում են  արշավներ, էքսկուրսիաներ և այլն։ 

Մեր կրթահամալիրի ավագ դպրոցի սաների համար պարբերաբար կազմակերպվում են միջազգային և տեղական բուհերի ընդունելության մասով հանդիպումեր և այցեր,  մասնագիտական կողմնորոշմանն ուղղված տեղեկատվական հանդիպումներ և քննարկումներ։

Ինչպես նաև, դպրոցում պարբերաբար հյուրընկալվում են տարբեր ոլորտներից հետաքրքիր  և ճանաչված հյուրեր, ովքեր կիսվում են  իրենց հարուստ փորձով և պատասխանում են մեր աշակերտների հարցերին։

Մանրամասների համար կարող եք զանգահարել 012-620 626 հեռախոսահամարով։