Վստահ քայլեր՝ դեպի մեծ կյանք

«Գազպրոմ Արմենիա» ՓԲԸ «Ուսումնա-սպորտային համալիր» հիմնարկի ավագ դպրոցի կրթական ծրագիրը նպատակաուղղված է աշակերտներին պատրաստելու բարձրագույն ուսումնական հաստատություններում ուսանելու և ինքնակրթության ու ինքնազարգացման ուղին շարունակելու համար։ Այս փուլում խորացվում են մասնագիտացված գիտելիքները, զարգանում է քննադատական մտածողությունը և ձևավորվում են փափուկ հմտությունները։

✔️Ուսուցման առանձնահատկություններ

Ավագ դպրոցում ուսուցումը կազմակերպվում է չորս հիմնական հոսքերով՝ ըստ աշակերտների հետաքրքրությունների՝

• ֆիզիկամաթեմատիկական. Տեխնիկական և ճշգրիտ գիտությունների սիրահարների համար:
• հումանիտար. Լեզուներով, պատմությամբ և հասարակագիտությամբ հետաքրքրվածների համար։
• բնագիտական. Կենսաբանության, քիմիայի և բնագիտական այլ առարկաների խորացված ուսուցում:
• տնտեսագիտական. Ապագա ֆինանսիստների և բիզնեսի ոլորտի մասնագետների համար:

Յուրաքանչյուր հոսքի համար մշակված է առանձին ուսումնական ծրագիր՝ խորացված դասընթացներով և ոլորտի լավագույն մասնագետների կողմից։ Դասերն անցկացվում են ժամանակակից սարքավորումներով հագեցած դասարաններում, լաբորատորիաներում, դահլիճներում ու արհեստանոցներում:

Ավագ դպրոցի աշակերտների համար պարբերաբար կազմակերպվում են հանդիպումներ տեղական և միջազգային ուսումնական հաստատությունների ներկայացուցիչների հետ՝ մասնագիտական կողմնորոշման նպատակով։

✔️Հետազոտական հմտություններ և նախագծային աշխատանքներ

Առարկայական ծրագրերը հնարավորություն են տալիս աշակերտներին ավելի լավ պատրաստվել միասնական քննություններին։

Ավագ դպրոցում զարգանում և կատարելագործվում է նախագծային ուսուցման սկզբունքը, որը նպաստում է աշակերտների փափուկ հմտությունների ձևավորմանը։  Այսպես սովորողները պատրաստվում են համալսարանական ուսումնառությանն ու ծանոթանում են աշխատաշուկայի պահանջներին։

✔️Լրացուցիչ կրթություն

Ավագ դպրոցում լրացուցիչ կրթական դասընթացներ բաժանվում են ըստ երեք ուղղվածությունների՝

• մտավոր ուղղվածություն՝ ֆրանսերեն, գերմաներեն, չինարեն, իսպաներեն, ռոբոտաշինություն, ծրագրավորում, արհեստական բանականություն, գործարարության հիմունքներ,
• ֆիզիկական ուղղվածություն՝ լող, գեղասահք, հոկեյ, ֆուտբոլ, բասկետբոլ, վոլեյբոլ, սեղանի թենիս,
• ստեղծագործական ուղղվածություն՝ խեցեգործություն, նկարչություն, դերասանական արվեստ, հագուստի մոդելավորում, խոհարարություն, մեդիագրագիտություն:
   

10-րդ դասարանից սկսած մեր աշակերտներին հնարավորություն է ընձեռնվում մասնակցել «TOEFL» և «SAT»  միջազգային  քննություններին նախապատրաստող համապատասխան լրացուցիչ ընտրովի դասընթացներին։

✔️Կրթություն դասասենյակից դուրս

• Այցելություններ թանգարաններ, թատրոններ և արշավներ,
• հանդիպումներ հաջողած մասնագետների հետ՝ նրանց փորձին ծանոթանալու և խորհուրդներ լսելու համար,
• մասնագիտական կողմնորոշման հանդիպումներ տեղական և միջազգային բուհերի ներկայացուցիչների հետ:

✔️Ընդունելություն

Ընդունելությունը կազմակերպվում է ըստ Կարգի։

📌 Մանրամասների համար կարող եք զանգել 012 620 626 հեռախոսահամարով։