Ընդհանուր նկարագիր

Ուսումնա-սպորտային համալիրի մանկապարտեզը գործում է 2019 թվականի նոյեմբերի 11-իցՄանկապարտեզի ծրագիրը մեկտեղում է հայրենական և արտասահմանյան նախադպրոցական մանկավարժության լավագույն նվաճումներն ու պրակտիկան՝ առաջարկելով ավանդականի և նորարարականի համադրությունը, որն ուղղված է երեխայի անձի բազմակողմանի զարգացմանը` մտավոր, ֆիզիկական, հոգեբանական, ստեղծագործական, սոցիալական և հուզական ոլորտներում: Երեխայի մոտ ձևավորվում և զարգանում են այնպիսի հմտություններ, ինչպիսիք են՝ հետաքրքրասիրությունը, նախաձեռնողականությունը, իր շրջապատող աշխարհում նորը ուսումնասիրելու պատրաստակամությունն ու կարողությունը, սովորելու ցանկությունը, նպատակասլացությունը, արդյունքների վրա կենտրոնանալը, ստեղծագործականությունը, համակարգված մտածողությունը, դրական սոցիալականացումն, այլ մարդկանց հետ ճկուն և կառուցողական փոխազդելու կարողությունը, հոգեբանական ներդաշնակությունն ու ֆիզիկական առողջությունը:

 

Մեր բարձրակարգ մասնագետներն իրենց հոգատար ու ջերմ վերաբերմունքով անհատական մոտեցում են ցուցաբերում 2-6 տարեկան երեխաների դաստիարակությանն ու կրթությանը: Բացի այդ, իրենց աշխատանքում մանկապարտեզի բոլոր մասնագետները անպայման հաշվի են առնում երեխաների առանձնահատկություններն ու կենտրոնանում են կրթական ուղիների անհատականացման ու բազմազանության վրա:

Մանկապարտեզի ավարտին երեխաները կունենան զարգացած մտավոր և վերլուծական ունակություններ, լայնորեն մտածելու կարողություն, զարգացվածության բարձր մակարդակ ու դպրոցում սովորելու մոտիվացիա: Մանկապարտեզն ունի յուրաքանչյուր տարիքային խմբի համար մշակված կրթական ծրագիր:

 

Մանկապարտեզի առավելություններն են.

 

        1. շենքը՝ առանձին շինություն է, նախագծված ըստ չափորոշիչների,

        2. խմբերը հագեցված են ժամանակակից տեխնիկայով (յուրաքանչյուր խմբում կա ինտերակտիվ գրատախտակ և պրոյեկտոր),

       3. թվով 6 կահավորված խաղահրապարակ,

       4. մանկական փակ լողավազան,

       5. անվտանգության աշխատակիցների կողմից շուրջօրյա վերահսկում և տեսահսկում երեխաների գտնվելու բոլոր վայրերում,

       6. փորձառու և գրագետ ուսուցիչներ, ովքեր հետաքրքրված ու ոգեշնչված են իրենց մասնագիտությամբ և նվիրված են իրենց աշխատանքին,

      7. հոգեբանի ծառայություններ,

      8. լոգոպեդի ծառայություններ,

      9. առողջ սնունդ,

      10. բժշկական օգնություն, ամենօրյա առավոտյան հետազոտություն` հիվանդության տարածումն ու խորացումը կանխելու նպատակով։

 

Մանկապարտեզում կա բժշկի սենյակ, որն ապահոված է առաջին բուժօգնության համար անհրաժեշտ պարագաներով: Մանկապարտեզն ունի նաև համապատասխան պայմանները սովորողներին հոգեբանական աջակցության համար: Ախտորոշելով երեխայի ճանաչողական գործընթացներն ու հուզական ոլորտը՝ հոգեբանները հանդես են գալիս որպես երեխաների, ծնողների և ուսուցիչների միջև կազմակերպչական կապ, և վերջիններիս հետ համագործակցելով՝ օգնում են երեխայի հարմարվողականությանն ու հետագայում անձնական ներուժի բացահայտմանը: Մանկապարտեզն ունի նաև լոգոպեդի ծառայություն, որի պահանջարկը բավականին մեծ է:

Մանկապարտեզում ամսավճարը 2020-2021թթ․ 150,000 ՀՀ դրամ է: Տարեկան պայմանագիր կնքելիս հնարավոր է պայմանագիրը սառեցնել մինչև մեկ ամիս: Միևնույն ընտանիքից երկրորդ կամ երրորդ երեխայի համար՝ մեր համալիրի դպրոց կամ մանկապարտեզ հաճախելու պարագայում, նախատեսված է 10% զեղչ:

 

Մանրամասների համար կարող եք զանգահարել  012 620 624 հեռախոսահամարով։