Дань памяти бессмертным героям
«Գազպրոմ Արմենիա» ՓԲԸ «Ուսումնա-սպորտային համալիր» հիմնարկի 11 և 12-րդ դասարանների աշակերտներն այցելել են Եռաբլուր զինվորական պանթեոն՝ հարգանքի տուրք մատուցելու հայրենիքի պաշտպանների հիշատակին։
Աշակերտներին հուշահամալիր-պանթեոնի տարածքում ուղեկցել են «Արիության համար» և «Հայրենիքին մատուցած ծառայությունների համար» հետմահու մեդալակիր, անմահացած Արմեն Հովհաննիսյանի մայրը՝ Մարինե Հովհաննիսյանը, և քրդագետ, անկախ ռազմական փորձագետ, «Հայոց հզոր բանակ» ՀԿ հիմնադիր Կարեն Հովհաննիսյանը։
Սաները ծաղիկներ են խոնարհել անմահ հերոսների հիշատակին և զրույցներ ու քննարկումներ են ունեցել հայրենիքի պաշտպանության կարևորության, անկախության և արժանապատիվ խաղաղության մասին։
Բարձր դասարանցիները լսել են նաև հայոց բանակի զինվորների կատարած սխրագործությունների պատմություններն ու մասնակցել են մոմավառության Եռաբլուրի Սրբոց Վարդանանց Նահատակաց եկեղեցում։
