Students of our school can take part in the competition "𝐂𝐨𝐝𝐞 𝐁𝐭𝐭𝐭𝐥𝐞".
Այսօր «Գազպրոմ Արմենիա» ՓԲԸ «Ուսումնա-սպորտային համալիր» էր հյուրընկալվել «𝐅𝐮𝐥𝐥 𝐋𝐞𝐚𝐫𝐧𝐢𝐧𝐠» ընկերության տնօրեն Գագիկ Ազոյանը Հայաստանում նախադեպը չունեցող «𝐂𝐨𝐝𝐞 𝐁𝐚𝐭𝐭𝐥𝐞» հեղինակային միջոցառումը ԳԱՈՒՍ–ի աշակերտներին ներկայացնելու համար։
Մինչ սկսելը, ԳԱՈՒՍ ինֆորմացիոն տեխնոլոգիաների ամբիոնի վարիչ Արթուր Ավագյանը նշել է, որ դպրոցում ուրույն տեղ է հատկացված ինֆորմատիկայի և դրան զուգահեռ ծրագրավորման ուսուցմանը, ինչի արդյունքներն ակնհայտ են։
«Մեր աշակերտները մասնակցում և պատվավոր հորիզոնականներ են զբաղեցնում «IT» ոլորտի տարբեր մրցույթներում։ Այս տարվանից սկսած ԳԱՈՒՍ–ում լրացուցիչ կրթության բաղադրիչ է դառնում նաև «Արհեստական բանականություն» առարկան, ինչը նորարարական ուղղություն է Հայաստանում, սակայն արդեն հասանելի է մեր դպրոցի սաների համար»,- ասել է Ա․ Ավագյանը։
Հաստատելով ամբիոնի վարիչի խոսքը, «𝐅𝐮𝐥𝐥 𝐋𝐞𝐚𝐫𝐧𝐢𝐧𝐠» ընկերության տնօրեն Գագիկ Ազոյանը նշել է, որ 2023 թվականին կայացած «𝐂𝐨𝐝𝐞 𝐁𝐚𝐭𝐭𝐥𝐞» հեղինակային միջոցառում «Լավագույն կոդ գրող» մրցանակին արժանացած երկու աշակերտ հենց «Գազպրոմ Արմենիա» ՓԲԸ «Ուսումնա-սպորտային համալիր» սան են։
Նա ասել է, որ այս տարվա ծրագրավորման մրցույթը համախմբելու է հարյուրավոր մարդկանց՝ թե սկսնակ և թե փորձառու ծրագրավորողների։
«𝐂𝐨𝐝𝐞 𝐁𝐚𝐭𝐭𝐥𝐞»–ն իրականացվում է նոր ծանոթություններ հաստատելու, ուժերը փորձելու և մեկ թիմ դառնալու համար: Մենք փորձելու ենք միավորել Հայաստանի և այլ երկրների ծրագրավորողներին, ինչի արդյունքում, հուսով ենք, կձևավորվեն արդյունավետ համագործակցության նոր եզրեր»,- ասել է Գագիկ Ազոյանը։
Նա ներկայացրել է մասնակցության կանոններն ու նշել, որ գրանցումը դեռ բաց է, և յուրաքանչյուր ցանկացող կարող է մաս դառնալ այս միջոցառմանը։
