Freestyle Wrestling Champions Visit the School of the Educational and Sports Complex
«Գազպրոմ Արմենիա» ՓԲԸ «Ուսումնա-սպորտային համալիրը» հյուրընկալել էր Ըմբշամարտի աշխարհի գավաթակիր, Եվրոպայի չեմպիոն, մինչև 23 տարեկանների աշխարհի չեմպիոն Վազգեն Թևանյանին և ըմբշամարտի աշխարհի բրոնզե մեդալակիր, Եվրոպայի չեմպիոն, բանակայինների աշխարհի չեմպիոն Արման Անդրեասյանին։
Ըմբիշները շրջել են ԳԱՈՒՍ–ում, ծանոթացել դպրոցի սպորտային ենթակառուցվածքներին և տեղեկացել այն սպորտաձևերի մասին, որոնք հասանելի են սաների համար։
Ըմբիշներին ընդունել է Կրթահամալիրի տնօրեն Ալեքսանդր Գրիգորյանը, շնորհավորել սպորտային հաջողությունների կապակցությամբ և մաղթել նորանոր ձեռքբերումներ։
Այնուհետև չեմպիոնները հանդիպում են ունեցել ԳԱՈՒՍ–ի աշակերտների հետ՝ պատասխանելով նրանց հարցերին սպորտի, առաջնությունների, կարգապահության և հաղթանակների վերաբերյալ։
