Հայաստանի անկախության տոնին «Գազպրոմ Արմենիա» ՓԲԸ «Ուսումնա-սպորտային համալիրում» կազմակերպվել էին մի շարք թեմատիկ միջոցառումներ՝ տարբեր դասարանների աշակերտների մասնակցությամբ։

Ողջ օրվա ընթացքում ԳԱՈՒՍ–ի աշակերտները երգել են հայրենասիրական երգեր, նկարել են հայրենիքը իրենց պատկերացմամբ, գրել են շարադրություն «Հայն ու Հայաստանը» թեմայով, մասնակցել են տարատեսակ խաղերի, լսել են դասախոսություններ հայրենիքի և անկախության վերաբերյալ։ Միջոցառումները եզրափակվել են 3–րդ դասարանցիների Սպորտլանդիայով, որտեղ բոլոր թիմերը հաղթող են ճանաչվել տարբեր անվանակարգերում։

Տոնական օրվա ավարտին Կրթահամալիրի 2-րդ դասարանցիները պարային ֆլեշմոբ են կազմակերպել դպրոցի բակում և միջոցառումն ավարտել «Սարդարապատ» երգով 2-4-րդ դասարանցիների կատարմամբ ու շնորհավորական խոսքերով,–«Տոնդ շնորհավոր, իմ անկախ Հայաստան»։

Սեպտեմբերի 21-ին նվիրված ֆլեշմոբի հոլովակը կարող եք դիտել այստեղ։