«Գազպրոմ Արմենիա» ՓԲԸ «Ուսումնա-սպորտային համալիրի» ռուսական 2-րդ դասարանի աշակերտուհիներ Կամիլա Հայրապետյանը և Լուիսա Վորոպայեվան մասնակցել են «UAE Victory Challenge Cup» և «Friendship International winter cup 2024 in Armenia» միջազգային մրցույթների և զբաղեցրել պատվավոր հորիզոնականներ։

Կամիլա Հայրապետյանը Միացյալ Արաբական Էմիրություններում կայացած «UAE Victory Challenge Cup» մրցույթում խմբային ծրագրով զբաղեցրել է երկրորդ տեղը։ Հայաստանում կայացած «Friendship International winter cup 2024 in Armenia» մրցույթում աշակերտուհին էսթետիկ մարմնամարզության խմբային ծրագրով զբաղեցրել է առաջին տեղը, իսկ գեղարվեստական մարմնամարզության խմբային ծրագրով՝ երկրորդ տեղը։

Լուիսա Վորոպայեվան «UAE Victory Challenge Cup» մրցույթում անհատական ծրագրով զբաղեցրել է առաջին հորիզոնականը, իսկ խմբային ծրագրով՝ երկրորդ հորիզոնականը։ «Friendship International winter cup in Armenia» մրցույթում աշակերտուհին անհատական ծրագրով կրկին զբաղեցրել է առաջին հորիզոնականը, իսկ խմբային ծրագրով՝ երկրորդը։

Շնորհավորում ենք մեր մարմնամարզուհիներին և մաղթում նորանոր հաջողություններ։