«Գազպրոմ Արմենիա» ՓԲԸ «Ուսումնա-սպորտային համալիրի» ավագ դպրոցի աշակերտները մասնակցել են օտարերկրյա քաղաքացիների համար նախատեսված ռուսերեն լեզվի աշխարհի առաջնությանը, որը կայացել է առաջին անգամ։

Մրցույթին մասնակցել են 400 թիմեր տարբեր երկրներից՝ ընդհանուր թվով մոտ 2000 աշակերտ։ Մեր սաներ Լիանա Դարբինյանը, Անի Ֆանյանը, Լարա Թունյանը, Նուր Էյնի Էլիկան և Մարտա Պետրոսյանը հանդես են եկել «Ալ առագաստներ» թիմով, որը հաղթելով տարբեր մրցույթներում՝ հասել է 1/8 եզրափակիչ՝ դառնալով լավագույն 16 թիմերից մեկը։

Թիմի խորհրդատուներն են եղել ԳԱՈՒՍ ռուսաց լեզվի և գրականության ամբիոնի ուսուցիչներ Նաիրա Յակովլևան և Վարդուհի Գևորգյանը։

Մասնակիցները նշել են, որ առաջնությունը շատ հետաքրքիր, օգտակար և անմոռանալի փորձառություն էր։