«Գազպրոմ Արմենիա» ՓԲԸ «Ուսումնա-սպորտային համալիրի» 3-րդ և 4-րդ դասարանի աշակերտները հյուրընկալել էին 2024 թ․ «Տարվա մանկական բեսթսելեր» անվանակարգի մրցանակակիր «Կախարդական գրադարանը» գրքի հեղինակ, «Նոր» գրախանութի և «ԴաՎինչի» ապրանքանիշի հիմնադիր Հայկ Աջապահյանին։

Հանդիպման ընթացքում գրողը խոսել է երևակայության ու անհատականության կարևորության մասին, նշել, որ յուրաքանչյուր ոք կարող է ստեղծել իր սեփական կախարդական աշխարհը։

Հ․ Աջապահյանը, պատասխանելով աշակերտների հարցերին, պատմել է «Կախարդական գրադարան» գրքի ստեղծման, հերոսների ընտրության և նրանց նախատիպերի մասին։

Հանդիպման ընթացքում աշակերտները մասնակցել են նաև ինտելեկտուալ խաղի, արժանացել նվերների, ինչպես նաև հնարավորություն ունեցել ստանալ հեղինակի ստորագրությունը գրքի իրենց օրինակի վրա։

Բոլոր լուսանկարները կարող եք տեսնել այստեղ։