«Գազպրոմ Արմենիա» ՓԲԸ «Ուսումնա-սպորտային համալիր» հիմնարկի 6-րդ «ա» դասարանի աշակերտների ֆենոմենակենտրոն ուսուցման թեման է «Երջանկության բանաձևը»։

Ամփոփելով թեման՝ աշակերտները ներկայացրել են այն տարբեր առարկաների շրջանակում իրականացված հետազոտությունների միջոցով՝ փորձելով գտնել «Ի՞նչ է երջանկությունը» հարցի պատասխանը։

Ժամանակի մեջ ճանապարհորդելով և հայտնվելով տարբեր դարաշրջաններում՝ սաները պատմական հայտնի դեմքերի՝ Տիգրան Մեծի, Մեսրոպ Մաշտոցի, Շեքսպիրի, Պուշկինի, Հովհաննես Ադամյանի և Վան Գոգի օգնությամբ փորձել են բացահայտել երջանկության գաղտնիքը։

Վերջում բոլորը եկել են մեկ եզրակացության՝ երջանկությունը խաղաղ հայրենիք, առողջ ընտանիք և սիրելի ընկերներ ունենալն է։