«Tête-à-tête մեր սաների հետ»․ Հարություն Ասրյան 

«Tête-à-tête մեր սաների հետ»․ Հարություն Ասրյան 

-Ի՞նչն ես սիրում այս դպրոցում:

-Բոլոր առարկաները։

-Ի՞նչ կուզես, որ քո մասին մարդիկ իմանան։

-Կուզեմ իմանան, որ լավ ընկեր եմ։ Օգնում եմ իմ ընկերներին ու սիրում եմ նրանց ուրախացնել և նաև խելացի եմ։

-Ի՞նչ խմբակների ես հաճախում։

-Գեղասահքի, ռոբոտաշինության, լողի և ֆուտբոլի։

-Ի՞նչ ես ուզում դառնալ։

-Ճարտարապետ։ Սիրում եմ Դուբայի շենքերը, իսկ հին շենքերը չեմ սիրում։

-Սիրու՞մ ես Հայաստանը։

-Շատ։ Ո՞նց կարող եմ չսիրել։

-Քո սիրելի ուտեստները որո՞նք են։

-Ձվածեղ, ոսպով և բրնձով փլավ, պյուրե ու թխվածքներ։

-Ինչպե՞ս ես ընտրում ընկերներիդ:

-Գնում եմ և ասում եմ՝ արի ընկերանանք։

-Ի՞նչ խորհուրդներ են տալիս քեզ ծնողներդ։

-Ասում են, որ լսող լինեմ։

-Վերջին կարդացածդ գիրքը ո՞րն է։

-Հեքիաթների մի մեծ գիրք, որը կարդում եմ տատիկիս հետ։

-Եթե նորից ծնվեիր, ո՞ր երկրում կուզեիր ծնվել։

- Հայաստանում։

-Ինչպե՞ս ես անցկացնում ազատ ժամանակդ։

-Այցելում եմ տատիկիս ու պապիկիս։

-Եթե հնարավորություն լիներ ունենալ գերբնական ունակություն, դու ո՞րը կընտրեիր։

- Կուզեի լինել շատ ուժեղ, այնքան, որ մի մատով մի հսկա քար բարձրացնեի։

-Ինչպիսի՞ն կուզես լինեն քեզ շրջապատող մարդիկ։

-Կուզեմ, որ լինեն բարի և չխաբեն։

-Մենք հիշում ենք, որ դու անցած տարի ունեիր մի գեղեցիկ ընկերուհի, դեռ ունե՞ս։

-Այո, չեմ փոխել։